Submit to FacebookSubmit to Google PlusSubmit to TwitterSubmit to LinkedIn

За разлика од тврдењето на лидерот на ВМРО-ДПМНЕ, Никола Груевски, дека на него и останатите обвинети за насилство во Oпштина Центар им се суди само за неколку искршени прозорци, обвинителката Фатиме Фетаи, во изјава за медиумите потсети дека тие се обвинети за кривично дело насилство, за кое им се заканува казна затвор од шест месеци до пет години.

-Во обвинението точно е објаснето кој обвинет за кое дело се гони. Позитивно е што почнавме со изведување докази и што слушнавме сведоштво на првиот сведок – рече Фетаи.

По денешното директно испрашување од страна на обвинителот, на следното рочиште Андреј Жерновски ќе биде вкрстено испрашуван, и од страна на одбраната. Следното судење е закажанот за 18-ти декември.

Извор: Фокус

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново