Submit to FacebookSubmit to Google PlusSubmit to TwitterSubmit to LinkedIn

Самостојниот синдикат за образование, наука и култура-СОНК бара веднаш да се усогласат платите во основното и средното образование, согласно процентот на зголемување на минималната плата на национално ниво.

– Така ќе се задржи распонот на коефициентите, поточно на плати по работни места, како што е предвидено во колективните договори во овие дејности. Со самото тоа ќе се одбегне сегашното кршење на колективните договори од страна на МОН, претставувано од министерот за образование, што претставува дејствие казниво со закон, соопшти СОНК реагирајќи на денешната прес-конференција на министерката Рената Дескоска која најави зголемување на платите на наставниците во основните и во средните училишта.

Во соопштението СОНК го повика МОН веднаш да почне преговори со нив за дополнителното зголемување на платите во сите сфери на образованието, вклучувајќи ги и високото образование и науката, како и за други прашања поврзани со реформите во образованието, измените и носењето нови закони во дејноста образование, изготвување и склучување колективни договори за високото образование и наука…

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново