Извршена е тешка кражба во црквата Св. „Арангел” во битолското село Долно Српци – соопшти денеска СВР Битола.
Според првичните информации од црквата одземени се пари и вредни предмети, а кражбата се случила ноќта меѓу 31 август и 1 септември.

Големиот шумски пожар во атарот на кумановските села Павлешенце, Градиште и Габреш кој избувна во сабота, е се уште активен, а за денеска е побарана асистенција од хеликоптер на Армијата.

Во основните и во средните училишта денеска на настава се сите вработени откако вчера заврши предупредувачкиот штрајк на наставници членови на СОНК и тие што се солидаризираа со нив.

Претпладне на истокот сончево, а кон запад со мала до умерена облачност. Попладне облачноста ќе се зголеми, а на крајниот запад ќе има услови за изолирана појава на краткотраен дожд со ретки грмежи. Попладне на север краткотрајно ќе засилува северен ветер. Утринската температура ќе се движи од 8 до 17, а дневната од 28 до 36 степени. УВ=7.

Во сите региони каде што СОНК има синдикални организации, а буквално има во секоја општина, се почитува одлуката на Советот на СОНК да се пристапи кон предупредувачкиот штрајк и јас сум апсолутно задоволен. Од наши извори дознаваме дека и оние што не се наши членови на многу места се приклучуваат на штрајкот и им благодарам за нивното солидаризирање со нашата организација, изјави претседателот на СОНК Јаким Неделков.

Времето денеска ќе биде сончево со мала до умерена облачност и со слаб до умерен ветер од јужен правец. Попладне во западните делови ќе има услови за изолирана појава на краткотраен дожд и ретки грмежи. Утринската температура ќе се движи од 8 до 17, а дневната од 28 до 36 степени. УВ=7.