Утре на полноќ завршува рокот за доставување на кандидатски листи за предвремените парламентарни избори закажани за 11 декември. Политичките партии во јавноста ги објавуваат носителите и листите за шесте изборни единици, но засега ниту една од нив не доставила листи до Државната изборна комисија (ДИК).

Невладината организација „Цивил“ смета дека ревизијата на избирачкиот список не дава резултати. Како што информираа денеска на прес-конференција, во повеќе од 200 случаи на фантомски гласачи чии податоци биле доставени до невладината организација, тие забележале дека само два случаи се решени, односно податоците се коригирани.

За денеска е закажано судење против новинарот Зоран Божиновски. Тој се товари за злосторничко здружување, шпионажа и за уцена.

Работата на Специјалното јавно обвинителство (СЈО) продолжува во практика да биде попречувана, а Кривичниот суд редовно одбива да одреди истражни мерки (притвори, мерки на претпазливост, н.з.) што ги бара СЈО како дел од истрагите што ги води, стои во Извештајот за напредокот на Македонија, што вчера го објави Европската комисија.

Времето денеска променливо облачно со кратки сончеви периоди и со повремен локален дожд. Температура до 16 степени.

“Секоја капка дожд е страв и трепет за нас, особено по поплавите кои ги доживеавме во август” –вели за Фактор, Абдурахман Вејсели, жител на скопско Сингелиќ. И по три месеци од страотната поплава сеуште меѓу мештаните владее страв да не се повтори невремето кое им ги уништи куќите и дворовите, но и земјоделските површини. Абдурахман, кој меѓу соседите е познат по прекарот Беким не го крие незадоволството и гневот кон надлежните кои вели не превзеле доволно за да ги обесштетат погодените семејства. Обвинува дека помош и пари зеле лица кои не биле или пак биле минимално зафатени од поплавите, а сепак на нивните сметки завршиле илјадници евра добиени по партиска и пријателска врска.

Поврзани вести

Web banner Duma Sinalco Nagradna Igra 300x250px

 

Најново