Кривичниот суд во Скопје денеска донесе втора ослободителна пресуда за Лирим Динарица, Емрула Емрулаи, Рамиз Асани, Муча Бајрами, обвинети во случајот на тројцата убиени полицајци Кирил Петрушевски, Ацо Ангеловски и Ерол Готак, на влезот во Арачиново во јануари 2000 година. Од натамошен прогон во меѓувреме беа ослободени и обвинетите, сега веќе починати, Башким Асани и Агим Асани.

Грчките медиуми акцентот во своите извештаи за вчерашната средба на Никола Димитров и Никос Коѕијас во Охрид го ставот на изјавата на шефот на грчката дипломатија дека се направени чекори напред и дека уште остануваат отворени тешките прашања, но и на делот од изјавата на македонскиот министер за надворешнио работи дека е разговарано и за временскиот рок за имплементирање на евентуалниот договор.

По неколкумесечно отсуство, пратениците од опозициската ВМРО-ДПМНЕ и коалицијата, по седницата за доверба на Владата, се вратија во работата на Собранието и тоа на гласањето за реформските закони според планот 3-6-9. Гласањето за овие закони се случува во пресрет на објавувањето на Извештајот на ЕК за напредокот на земјата, што треба да биде објавен на 17 април.

Советот за етика во медиумите на Македонија (СЕММ) во денечното соопштение реагира на според нив , неоснованата критика на министерот без ресор задолжен за комуникации, отчетност и транспарентност Роберт Поповски околу ажурноста на Советот во обработката на поднесена претставка од неговиот Кабинет за содржина објавена на Интернет порталот ДоказМ.мк.

Првиот петок по Велигден се вика Источен Петок – Балаклија. Тој спаѓа во Светлата недела поради што некои го викаат и Светол Петок, а поради тоа што во светлата недела се блажи, може да се сретне и како Благ Петок. Со овој празник, посветен на Пресвета Богородица, и се оддава признание на мајката Божја, поради тоа што непосредно по Велигден нема друг празник поврзан со нејзиното име. Поради тоа што Богородица му ги миела раните на Исус, на овој ден луѓето ги посетуваат изворите ги мијат лицето и очите, или три пати преку себе префрлаат вода од изворите. Поради тоа најчесто овој празник се празнува во црквите што се покрај извори. Според легендата изворот Балаклија, поврзан со името на Пресвета Богородица, се наоѓал во близината на Цариград и во него имало златни риби. Со овој извор и со чудата што се случувале од неговата вода се поврзани поголем број народни преданија.

Времето претпладнево ќе биде претежно сончево, а попладне облачноста ќе се зголеми. Ќе дува слаб до умерен јужен ветер. Утринската температура ќе се движи од четири до осум степени, а дневната од 22 до 28 степени.