Времето денеска ќе биде сончево со мала до умерена облачност. Ќе дува слаб до умерен северозападен ветер, температурата ќе достигне и до 33 степен, додека УВ индексот ќе изнесува 7, соопштуваат од УХМР.

Општиот индекс на безбедност на Република Македонија е 3,07, оценка што покажува дека безбедноста се уште е ранлива како резултат на проблемите со кои се соочуваат луѓето како поединци. Индексот за регионална безбедност изнесува 3,48, но сепак дел од граѓаните во Македонија сметаат дека идејата за Голема Албанија се уште е жива и може да влијае во внатрешно дестабилизирање на државата.

Убеден сум дека референдумот ќе успее, бидејќи ние секогаш кога имаме крупна историска раскрсница избираме мудро и мислам дека така ќе биде и во овој случај, ова го рече денеска министерот за надворешни работи Никола Димитров на тркалезната маса „Евроатлантска иднина за Македонија?”.

Следната година ќе биде интензивна за подготовките за почнување на пристапните преговори со Македонија и Албанија. Овие можности мора да се искористат сега – оваа година е таа година. Не станува збор за отстапки, тоа е во интерес на европските граѓани, како во рамките на ЕУ, така и надвор од нејзините граници, порача шефицата на европската дипломатија Федерика Могерини во денешното обраќање пред амбасадорите на ЕУ во Брисел.

Македонија денес се соочува со демографска катастрофа, во вториот квартал во 2018 година, имаме пад за 6,3 проценти на бројот на новородени деца, тоа за шест години ќе значи и дополнително намалување на бројот на ученици, паралелки кои ќе се затворат, населени места кои забрзано замираат.

Набљудувачката мисија на ОБСЕ/ОДИХР во целост ќе ја зачува својата непристрасност при набљудувањето на референдумот. Ангажиран ќе биде тим од 13 експерти, 20 долгорочни набљудувачи и околу 250 краткорочни набљудувачи што ќе оценува дали гласањето се одвива во демократска атмосфера и во целосна согласност со меѓународните обврски и стандарди и со националното законодавство.