Submit to FacebookSubmit to Google PlusSubmit to TwitterSubmit to LinkedIn

Сè додека не се разјасни каков ќе биде составот на евентуалната идна владина коалиција, Собранието останува брз својот прв човек. А, според изборниот законик, токму спикерот најдоцна до понеделник треба да ги распише редовните локални избори. Од Државната изборна комисија велат дека последниот датум за тоа е 6 март, со што би се испочитувал и законскиот рок за изборите да се одржат во првата половина од мај, пишува АлсатМ.

Според Изборниот законик, откако претседателот на Собранието ќе ги распише локалните избори, почнуваат да течат и роковите за подготовка на изборите и нивното спроведување. Професорот Никола Дујовски смета дека партиите веќе се договориле новиот претседател на Собранието да биде избран во текот на следните неколку денови и оти истиот ден би можеле да бидат распишани и локалните избори. Нивно евентуално одложување би барало и измена на Изборниот законик, процес кој може да ја комплицира ситуацијата.

За време на преговорите партиите не дискутираа за државните функции, вклучувајќи го тука и претседателот на Собранието. Сепак, функционери од партијата на Ахмети уште од почетокот на преговорите изјавуваа дека е време со законодавната власт да раководи Албанец. Во меѓувреме, со ажурирањето на Избирачкиот список по парламентарните избори, околу 30 илјади спорни гласачи повторно ќе се здобијат со право на глас. Претходните локални избори во земјава се одржаа на 24 март 2013 година.

Извор: АлсатМ

 

Поврзани вести

Web banner Duma Kozuvcanka Fakti 300x250px 01

Најново