Submit to FacebookSubmit to Google PlusSubmit to TwitterSubmit to LinkedIn

Група експерти на Советот на Европа за сузбивање на трговијата со луѓе го објави најновиот извештај за Хрватска во кој изрази загриженост за се поголемиот број исчезнати деца меѓу бегалците и ги повика властите во Загреб да преземат мерки за спречување на таквите случаи.

Весникот „Јутарњи лист“ пишува дека оваа порака на официјален Загреб му ја испратил и Торбјорн Јагланд, генералниот секретар на Советот на Европа.

Групата експерти на СЕ за сузбивање на трговијата со луѓе во истиот извештај поздрави некои од мерките што се преземаат, како усвојување на законот за оспособување на вработените, кревање на свеста во училиштата за трговијата со луѓе, како и националната стратегија за сузбивање на сиромаштијата и социјалната исклучивост.

Но, групата експерти, попозната како ГРЕТА, предупредува и на некои прашања за чие решение треба дополнителен напор.

- Со оглед на неодамнешните извештаи за исчезнување на голем број деца бегалци без придружба, идентификацијата на децата кои се жртви на трговијата со луѓе стана приоритет за цела Европа - рече Јагланд.

Меѓу проблемите во Хрватска, кои ги идентификува групата експерти на СЕ и кои се опфатени во последниот извештај, треба да се идентификуват можните жртви меѓу се поголемиот број нерегуларни мигранти, баратели на азил и малолетници без придружба.

Во извештајот се изразува загриженост за се почестите исчезнувања на деца од бегалските центри и притоа Хрватска се повикува да стори поголем напор за да ги спречи таквите инциденти.

Извор: Плусинфо.мк

Поврзани вести

Web banner Duma Kozuvcanka Fakti 300x250px 01

banerknigovodstvo

Најново