Европската агенција за борба против корупција (ОЛАФ) ја казни грчката компанија „Актор“ со 50 милиони евра поради измама и перење пари при изградба на автопатот Демир Капија – Смоквица, пишува грчкка „Прототема“.
Случајот се нашол под лупа на јавен обвинител по доказите што ги собрала ОЛАФ.

НАТО за првпат го подигна знамето на Црна Гора пред седиштето во Брисел на церемонија, со која официјално беше поздравена 29-та членка на Алијансата, информира “Политико”.

Милан Бандиќ го освои шестиот мандат за градоначалник на Загреб со освоени 51,79 отсто од гласовите, додека Андро Крстуловиќ Опара (Од Хрватската демократска заедница) е новиот градоначалник на Сплит, покажуваат прелиминарните резултати од локалните избори во Хрватска.

Во Грција денеска железничарите ќе одржат 24-часовен штрајк поради незадоволството од условите за работа, како и состојбата на железничката инфраструктура.

Австралиската влада планира да им забрани на осудените педофили да патуваат надвор од земјата.Тоа е прв таков чекор чија цел е да се заштитат од експлоатација децата од југоисточна Азија. Како што се наведува, автралиските педофили се познати по тоа што заминуваат на евтини одмори на југоисточните и пацифички острови, каде злоставуваат деца, пренесува АП.

Претседателот на САД мора веднаш да им се извини на сите членови на НАТО за своето однесување“, пишува во онлајн петицијата која ја поднесоа американските граѓани на порталот “We the people”.

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново