Александар Николовски, предложен од претходната влада за амбасадор на Македонија во Европската унија не е по мерка на новиот владин кабинет. Министерот за надворешни работи Никола Димитров одо од Софија порача дека постапката за негово назначување на оваа позиција ќе биде запрена. Тој вели дека партискиот политичкиот фолклор мора да престане.

Владина делегација предводена од премиерот Зоран Заев денеска со средба со бугарскиот премиер Бојко Борисов ја почнува дводневната официјална посета на Република Бугарија. На средбите во бугарската престолнина со премиерот Борисов и со претседателот Румен Радев ќе се побара од Бугарија како иден претседавач со ЕУ поддршка на патот за членство на Македонија во Унијата и во НАТО, како и унапредување на соработката меѓу двете земји.

Александар Кирацовски беше избран за нов генерален секретар на СДСМ на синоќешниот Централен одбор на партијата. Кирацовски, кој доаѓа на местото на Оливер Спасовски, досега беше потпретседател на СДСМ, а беше и дополнителен заменски министер за јавна администрација и информатичко општество во техничката влада до изборите на 11 декември минатата година.

Македонскиот министер за надворешни работи Никола Димитров утре во Атина ќе се сретне со шефот на грчката дипломатија Никос Коѕиас.

Почнува итна операција на НАТО во Македонија. Во Брисел е подготвен план кој ќе го разбие руското влијание во регионот.

За прв пат висока државна делегација од Република Македонија во еден ден ќе има средби со сите високи претставници на ЕУ и НАТО, соопшти владината служба.

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново