Submit to FacebookSubmit to Google PlusSubmit to TwitterSubmit to LinkedIn

Поради најновата ерупција на вулканот на Хаваите потполно е уништена населена област во близина на хавајскиот Голем остров.

Заливот кој се наоѓаше меѓу тие области и Големиот остров претворен е во нова земја.

Таа област сега е прекриена со вулкански карпи, а само неколку куќи преживеаја на една од плажите Капохо, соопштија надлежните од американскиот Геолошки институт, пренесе АП.

Врз основа на документи, утврдено е дека во таа област имало 279 куќи.

„Областа потполно исчезна и нема никакви остатоци од куќи. На север од неа останаа само неколку куќи во областа околу плажата Капохо“, соопштија од Институтот.

Научниците и понатаму бележат активност на вулканот и наведуваат дека не е можно да кажат кога ќе сопре.

Активностите на вулканот дополнително се зајакнати од земјотресот со јачина од 5,6 степени по Рихтер, што исто така дополнително ги зголеми количините на лава.

 

Најново