Submit to FacebookSubmit to Google PlusSubmit to TwitterSubmit to LinkedIn

tose fin

25.01.2021

25 јануари 1981 година, е денот кога е роден нашиот ангел. Денот кога сите заедно пеат негови песни, тажат по тоа што е изгубено и не веруваат дека повеќе го нема. Човекот со најголемо срце, човекот кој мислеше добро за секој поединец. Најголемиот хуманитарец, еден и единствен Тоше Проески.


На денешен ден ќе го прославуваше 40-от роденден, светот заедно со него ќе беше многу подобро место за живеење. Можеби сите ќе не научеше да го цениме тоа што го имаме, да делиме љубов и среќа, да ги почитуваме сите ситници и да си го сакаме животот каков што е.

Нашата музичка ѕвезда Тоше, својата музичка кариера ја започнал со настапот на „Мелфест“ во 1997 година. Патот кон ѕвездите му го отвориле двете песни „Пушти ме“ и „Остани до крај“. Тој неколку пати беше и претставник на Република Македонија за песна на Евровизија. Во 2004 година, во Истанбул, Република Турција го освои 14-то место на Евровизија. Истата година, беше прогласен и за Амбасадор на добра волја на УНИЦЕФ. Поради тој момент ја издаде песната „За овој свет“.

Во текот на својата кариера има издадено и неколку албуми со песни, првиот албум со име „Синот Божји“ во 2000-та година, „Некаде во ноќта“ во 2001 година, потоа „Ако ме погледнеш во очи“ во 2003 година, „Ден за нас“ во 2004, „По тебе“ 2005 година, „Божилак“ во 2006 година и “Игри без граници“ во 2007.

Сите песни од албумот „По тебе“ неколку месеци се наоѓаа на највисоките места на музичките топ листи како во Македонија така и во Хрватска, Србија, Црна Гора, Словенија и Босна и Херцеговина.

Својот последен концерт го одржа на петти октомври, на Градски стадион во Скопје. И овој концерт од хуманитарен аспект и наменет за обнова на сите основни училишта во земјава.

Тоше Проески загина на 16 октомври, 2007 година во сообраќајна несреќа кај Нова Градишка во Хрватска. Владата на Република Македонија го прогласи за заслужен граѓанин на државата, во негова чест во неговиот роден град Крушево е изграден и меморијален центар што го носи неговото име, од отворањето во 2011 година, оваа музејска установа имала повеќе од 650 000 посетители од кои, според раководството, една третина се од странство, пред сè од балканските земји.

Сепак сите ние знаеме дека нашиот ангел Тоше има само датум на раѓање, и сè уште живее во сите нас.

Во негова чест, уживајте во „Игри без граници“..

https://www.youtube.com/watch?v=ELnt5HE7bWM

Стефани Манева

#ТошеПроески #НашиотАнгел #40роденден #Непреболен #ИгриБезГраници 

 

 

SEMM baner MK

Поврзани вести

KOZUVCANKA 2021 01

Х Фактор Акцелератор ја најавува својата нова Инвестициска програма и инвестиции до 100.000 Евра

 

Најактивниот акцелератор во Македонија Х Фактор Акцелератор ја најавува својата нова Инвестициска програма и инвестиции до 100.000 Евра во стартап фирми и дополнителна техничка поддршка, менторство и пристап до компании. Повикот е отворен за пријавување до 15ти Март, со вкупен буџет за инвестиции од 300.000 Евра кои ќе се инвестираат во 3-5 компании.

X Фактор Акцелератор е првиот од трите акцелератори поддржани од ФИТР преку Светска банка, кој во изминатата година реализираше две инвестиции во вкупен износ од 200.000 евра во стартап – тимовите на Матриошка и Vision Dynamix.

Оваа година и покрај предизвиците на корона кризата - X Фактор Акцелератор продолжува да креира средина која го стимулира и поттикнува развојот на новите бизниси преку поддршка на растот за регионална/глобална експанзија.

Кои критериуми треба да ги исполнат стартапите за да аплицираат на повикот?

Што бараме од компаниите како услов за влез во Инвестициската програма:

  • Оформен, искусен и посветен тим,
  • Оформен производ кој е во фаза на пазарна валидација,
  • Продажба на први клиенти,
  • Компанијата да е регистрирана во Р.С.Македонија, со најмалку 51% Македонска сопственост.

Оваа година фокусот е на иновативни решенија од било која дејност, со глобален потенцијал на раст.

 

Што добиваат стартапите во рамки на Инвестициската програма?

Оваа програма има за цел да ги донесе компаниите што побрзо до инвестиција и нови пазари. За таа цел X Фактор Акцелератор ќе започне со преговори за инвестирање и менторска поддршка со 5 до 10 од аплицираните компании преку:

  1. Специјализирана менторска програма спроведена од нашиот тим, како и од искусни ментори од партнерските организации: ФИТР, World Bank, SwissEP, Startup Macedonia, Senior Experts Program.
  2. Покрај експертската помош, акцент ќе ставиме на валидација на постоечките решенија и бизнис модели за пристап до локалните и интернационалните пазари со искусните тимови на нашите корпоративни партнери како Oracle for startups и други локални и глобални корпорации.
  3. Техничка поддршка за компаниите преку унапредување на нивната маркетинг стратегија, дигитално присуство и развој на бренд со тимот на Monday дигитална агенција, дополнителен развој и/или валидација на софтверски решенија со екпертска поддршка на ИТ професионалци од SkillUp Academy и пристап до нови пазари преку 36 Chambers.

Најважниот ресурс кој го добиваат стартапите за време на програмата, освен финансииите е целокупната поддршка за вмрежување и зголемување на видливоста на бизнисите.

Акцелераторот овозможува размена на знаења и искуства помеѓу самите претприемачи, од каде што има огромен потенцијал за произлегување на голем број нови партнерства.

  

Каков е процесот на апликација?

  1. 18.02 Изјавување на Интерес: Апликациите се одвиваат преку нашиот вебсајт со испраќање на краток опис на бизнис идејата со пополнување и прикачување на апликациска форма во коja се објаснува бизнисот,
  2. 09.03 Ask me Anything: Сесија во живо за да праша публиката сѐ што ги интересира;
  3. 15.03 Евалуација: Апликациите кои од страна на Комитетот за евалуација на проекти ќе се оценат дека се најиновативни и имаат потенцијал за раст ќе се квалификуваат за влез во следната фаза;
  4. 20.03 Валидација: Во оваа фаза селектираните тимови треба да поднесат дополнителни документи Pitchdeck, Финансиски проекции, CaseStudy со кои би се потврдиле првичните бизнис концепти и презентирање пред Евалуациониот Комитет;
  5. 01.04 Преговори и Менторство: Вклучување на 5-10 компании во 8 неделна Инвестициона програма и подготовка на компанијата за инвестиција преку, менторство, експертска поддршка, состаноци со потенцијални клиенти и партнери како и преставување на локални и регионални настани. Во текот на програмата тимот на X Фактор Акцелератор ќе го отпочне процесот на Due diligence со тимовите;
  6. 01.06 Демо ден: Стартапите презентираат пред Инвестицискиот одбор и мрежата на партнери, корпорации и инвеститори кои ќе ги одберат компаниите со кои ќе се започнат финалните преговори за инвестиција;
  7. 01.07 Потпишување на Инвестиционен договор: Финализирање на преговарачкиот процес и потпишување договори за инвестиција.

Што да очекувам од X Фактор Акцелератор?

X Фактор Акцелератор има за цел да направи инвестиција во период од 4-6 месеци од аплицирање во програмата во износ од 30.000 до 100.000 евра по компанија, зависно од фазата на развој. X Фактор Акцелераторот има за цел да стане малцински содружник, со процентуален удел во компанијата кој е предмет на преговори. Претставник на акцелераторот ќе добие место во бордот на директори и континуирано ќе помага во донесување на стратешки одлуки и поврзување на компанијата со потенцијални партнери, клиенти и интернационални инвестициони фондови.

 

Овогодинешниот повик официјално е започнат и вашите апликации ги очекуваме до 15ти Март 2021 година преку веб страната на Х Фактор Акцелератор: http://xfacc.mk/

Одговорно лице за контакт: Јозефина Симитчиева 078 377 504

 
   
   
   
   

Најново