Submit to FacebookSubmit to Google PlusSubmit to TwitterSubmit to LinkedIn

Непознати хакери разбија сметки на голем број познати личности на социјалната мрежа “Инстаграм”, соопшти ТВ компанијата Си Ен Ен.

Според нејзини податоци компјутерските пирати успеале да ги преземат електронските адреси и телефонски броеви. Тие сепак не успеале да украдат и лозинки на погодените корисници.

Претставник на социјалната мрежа потврди пред ТВ каналот дека има пробив во сметките, но не откри конкретни имиња на сопственици на електронски поштенски сандачиња.

Наводно напаѓачите искористиле слабо место во интерфејсот на социјалната мрежа. Претставници на “Инстаграм” истакнаа дека проблемот веќе е отстранет.

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново