Франциско, најстариот човек на светот, го прослави 113 роденден

Франциско Нуњез Оливера, Шпанец кој ја држи титулата за најстар човек во светот, го прослави 113 роденден завчера.

Роден е на 13 декември 1904 година во селото Бјенвенида, во западна Шпанија.

Франциско, познат како Марчена, има четири деца, девет внуци и 15 правнуци. Стана најстар човек во светот во август кога почина Израел Кристал, преживеан од холокаустот на 113 години и 330 дена.

Тој е вдовец од 1988 година, а неговите двајца синови починале, додека тој живее со најстарата ќерка, Марија Антониа (81), во близина на другата ќерка Милагрос (78).

Смета дека долго живее поради добрите гени, тешката работа и диетата со домашно произведени зеленчуци. Ужива во чаша црвено вино секој ден.

Неговиот брат Луис, има 95 години, а сестра му Јакоба 93.

„Цел живот работев во поле“, вели Франциско/

Во неговата лична карта пишува дека е роден на 13септември 1904 година, но ќерка му вели дека тој е помлад три месеци.

Кога имал 10 години ја преживеал Првата светска војна, а во 1920 година се борел против Барберите во Мароко за време на војната со Шпанија и северниот африкански сосед.

Неговата ќерка за долгиот живот вели дека има уште неколку причини како рутината во тивкото село, тоа што е сам свој шеф, не се расправа со семејството и живее добар живот со работа во полето, околу куќата и селската кафеана.

Тој е на посебна диета со оглед на тоа што нема свои заби веќе четири децении.

Неговата диета се состои од млеко и колачиња наутро со Актимел. Месо или риба за ручек, јогурт за ужина и специјални житарици со млеко навечер.

Вели дека здравјето му е добро иако на 90 години му го извадиле едниот бубрег, на 98 е правен операција од катаракта, а примен е во болница со уринарна инфекција на 108 години. Тврди дека никогаш не скршил коска, а дека притисокот му е одличен.

Шпанците се познати по долг живот кој се должи на медитеранскиот начин на исхрана и традиционалниот спор начин на живот, без многу возбуди.