Submit to FacebookSubmit to Google PlusSubmit to TwitterSubmit to LinkedIn

Модната ревија на германскиот моден дизајнер Филип Плеин на Модната недела во Њујорк е легендарна. Не само што занесната Ирина Шајк се прошета по пистата, туку беше во друштво на огромен робот.

Атрактивната Русинка се спушти на сцената од вселенски брод под кој на крајот на ревијата сите танцуваа.

Најдобар детаљ беше кога фати за рака огромен робот кој изгледа како Трансформер и се прошета по пистата.

Целата ревија изгледаше неверојатно, а за тоа придонесе вселенскиот брод на вештачки заснежениот под. На Ирина не и беше проблем да се прошета со високи штикли на снегот, а изгледаше подобро од кога било, иако неодамна се врати од трудничко боледување.

„Ревиите се како мали погреби. Работите со месеци за да добиете шоу кое го посакувате и во моментот кога ќе го покажете во јавноста, како да сте го погребале, апа мора да почнете да работите на ново“, вели Плеин за BBC.

Но, вселенската модна ревија уште долго ќе се памети. Љубителите на модата веќе се радуваат на неговите нови идеи и колекции.

 

Најново