Јапонец добива плата, а не работи ништо: Како му успева тоа?
21.01.2021
Шоџи Моримото е 37 годишен јапонец, кој добива плата, а не работи ништо.
Како му успева тоа ?
Тој заработува од ангажирање луѓе на кои само треба да има прави друштво. Моримото собра илјадници клиенти, но и куп следбеници на интернет. За 10.000 јени (околу 100 долари), плус патни трошоци и платен оброк, секој може да го вработи Шоџи Моримото (37) од Токио, но тој нема да стори ништо друго освен „да јаде, да пие и да даде едноставни одговори“.
Моримото ги понуди своите услуги за прв пат во јуни 2018 година на Твитер.
Се нудам себеси како личност која не работи ништо. Дали е тешко за вас само да влезете во продавница? Дали ви недостасува играч во тимот? Дали ви треба некој што ќе го чува вашето место? Не можам ништо да направам освен лесни работи – напиша тој тогаш.
Иако првично ги нудеше своите услуги бесплатно, Моримото сега им наплатува на луѓето за да го намали бројот на барања и да ги обесхрабри оние кои сакаат само да го трошат неговото време. Како што вели, тој има три до четири клиенти на ден, а имал вкупно околу 3.000 откако го започна својот необичен бизнис, пренесува Индепендент. Луѓето го ангажираат од различни причини, вели тој, но повеќето се досадни или осамени и сакаат само да ги слуша.
Бил ангажиран да руча, да фотографира за Инстаграм, да следи некој што поднесува барање за развод, да брка пеперутки во паркот и да ги слуша здравствените работници кои се справуваат со својата работа. Моримото, кој е оженет и има дипломирано физика на Универзитетот во Осака, за дневниот печат Мајничи изјави дека не глуми пријател или познаник.
Лично, не сакам да ме тешат другите. Мене ми пречи кога луѓето само ми велат да продолжам да бидам истраен. Кога некој ќе се обиде да стори нешто, мислам дека е најдобро да му олесниме останувајќи со него – додаде тој.
За помалку од три години, Моримото, кој порано работеше во издаваштво, но поднесе оставка, објави и книги за неговиот избор во кариерата, инспирираше телевизиско шоу и доби повеќе од 270.000 следбеници на Твитер.
– Драго ми е што можев да прошетам со некој што одржуваше удобно растојание и што не мораше да разговараме, но можевме ако сакавме – напишал еден од неговите наводни клиенти.
Мите Јаначков
