Submit to FacebookSubmit to Google PlusSubmit to TwitterSubmit to LinkedIn

Како што би рекле веганите, човекот е единствениот цицач кој пие млеко и како возрасен, и тоа од други животински видови.

Имено, секој цицач со растењето ја губи можноста за варење на млечниот шеќер, па така и човекот. Ниту еден цицач не пие млеко кога ќе порасне.

Според некои информации, една шолја кравјо млеко содржи во просек и до 7 капки гној, односно, 500 милиони соматски клетки, околу 4.700.000 бактерии, 24 мг холестерол, 6 г казеин, а често и крв и фекалии.

Млечната индустрија е голем потрошувач на антибиотици, а неретко и на хормони.

Но ако сте баш навлечени на млеко, а сакате да се преориентирате на вегетаријанска исхрана, се уште можете да уживате во здраво растително млеко од бадеми, ореви, сусам, ориз, кокос, пченица, соја, банана, индиски оревчиња, рогач,…
Сите растителни млека се далеку поздрави, похранливи и повкусни од било кое млеко од животинско потекло, освен, секако, мајчиното млеко кое е број 1 за исхрана на доенчињата на сите видови цицачи. За разлика од животинските млека, чии хранливи состојки нашиот организам може да ги свари само до 25 отсто, хранливите состојки од растителните млека може да се сварат речиси во целост. Еве како да си направите неколку видови на растителни млека.

Млеко од сусам
Состојки:

1 шолја сусам
4 шолји вода
Се заблажува по желба

Приготвување:
Сусамот со малку вода се меле во блендер, а потоа постепено се додава преостанатата вода. По вкус и по желба додадете малку ванила, агава сируп, суво овошје или банана.

Млеко од бадеми
Состојки:

1 шолја бадеми
4 шолји ладна вода
1 лажица маслиново масло
Се заблажува по желба

Приготвување:

Во малку врела вода ставете ги бадемите да отстојат само 10 секунди. Извадете ги и оставете ги да стојат 2-3 минути. Излупете им ја лушпата. Помешајте ги бадемите со преостанатите состојки и смелете ги (1 – 2 минути). На млекото може да му се додаде малку цимет или ванила по желба.

Млеко од ориз
Состојки:
1 шолја ориз
10 шолји вода
Се заблажува по желба

Приготвување:

Ставете ги сите состојки во лонец, поклопете и кога ќе проврие, намалете ја температурата на 45 степени и варете уште половина час. По варењето оладете ја смесата и исцедете ја низ газа. Млекото може да се заблажи со малтекс.

Млеко од кокос
Состојки:

200 г кокос или кокосово брашно
½ л вода
1 лажичка сируп од агава

Приготвување:

Ставете во вода кокосово брашно и оставете го да отстои барем еден час. Ставете ја смесата во блендер и измешајте. Исцедете низ газа и заблажете со сируп од агава.

Млеко од ореви
Состојки:

4 шолји вода
1 шолја ореви

Приготвување:
Оревите ставете ги во блендер и прво смелете ги со малку вода, а потоа додадете ја преостанатата течност и обработете ја содржината во блендерот уште две минути. Заблажете по желба.

Пченично млеко
Состојки:
1 шолја пченични никулци
4 шолји вода
½ шолја суво грозје отстоено во вода

Приготвување:
Смелете ги пченичните никулци со водата околу 2 минути па прецедете ги низ густа цедилка. Вратете ја мешавината во блендер, додадете го сувото грозје, смелете и заблажете по вкус.

Млеко од соја
Состојки:
1 шолја соја
4 урми
2 лажици сируп од агава
2 стапчиња ванила
400 мл вода

Приготвување:
Сојата се мие во тѕри води и се потопува во вода на 12 часа. Потоа сите состојки се ставаат во блендер и се мелат, а потоа се процедуваат низ газа. Се што ќе остане на газата може да се користи за разни други шејкови. Млекото може да стои во фрижидер до три дена.

Млеко од индиски ореви

Состојки:
1 шолја индиски ореви
Малку цимет по желба
Заблажувачи по желба (урми, сируп од агава)
400 мл вода
Приготвување:
Измијте ги индиските ореви во три води и оставете ги да стојат во вода 2 часа. Потоа смелете ги сите состојки и исцедете преку газа. Се што ќе остане на газата можете да користите за други шејкови. Млекото може да стои во фрижидер до три дена.

„Чоколадно“ млеко

Состојки:

1 шолја ореви или бадеми
2 лажици сируп од агава
4 урми
3 лажици мелен рогач
1 стапче ванила
250 мл вода

Приготвување:
Оревите измијте ги во три води и потопете ги на 2 часа во вода. Потоа смелете ги сите состојки и исцедете преку газа. Се што ќе остане на газата може да се користи за разни други шејкови. Млекото може да стои во фрижидер до 3 дена.

Млеко од банани
Состојки:
2 замрзнати банани
1 шолја вода
5 урми
½ лажица цимет

Приготвување:
Мелете ги сите состојки 1 минута.

 

 

SEMM baner MK

Поврзани вести

KOZUVCANKA 2021 01

Х Фактор Акцелератор ја најавува својата нова Инвестициска програма и инвестиции до 100.000 Евра

 

Најактивниот акцелератор во Македонија Х Фактор Акцелератор ја најавува својата нова Инвестициска програма и инвестиции до 100.000 Евра во стартап фирми и дополнителна техничка поддршка, менторство и пристап до компании. Повикот е отворен за пријавување до 15ти Март, со вкупен буџет за инвестиции од 300.000 Евра кои ќе се инвестираат во 3-5 компании.

X Фактор Акцелератор е првиот од трите акцелератори поддржани од ФИТР преку Светска банка, кој во изминатата година реализираше две инвестиции во вкупен износ од 200.000 евра во стартап – тимовите на Матриошка и Vision Dynamix.

Оваа година и покрај предизвиците на корона кризата - X Фактор Акцелератор продолжува да креира средина која го стимулира и поттикнува развојот на новите бизниси преку поддршка на растот за регионална/глобална експанзија.

Кои критериуми треба да ги исполнат стартапите за да аплицираат на повикот?

Што бараме од компаниите како услов за влез во Инвестициската програма:

  • Оформен, искусен и посветен тим,
  • Оформен производ кој е во фаза на пазарна валидација,
  • Продажба на први клиенти,
  • Компанијата да е регистрирана во Р.С.Македонија, со најмалку 51% Македонска сопственост.

Оваа година фокусот е на иновативни решенија од било која дејност, со глобален потенцијал на раст.

 

Што добиваат стартапите во рамки на Инвестициската програма?

Оваа програма има за цел да ги донесе компаниите што побрзо до инвестиција и нови пазари. За таа цел X Фактор Акцелератор ќе започне со преговори за инвестирање и менторска поддршка со 5 до 10 од аплицираните компании преку:

  1. Специјализирана менторска програма спроведена од нашиот тим, како и од искусни ментори од партнерските организации: ФИТР, World Bank, SwissEP, Startup Macedonia, Senior Experts Program.
  2. Покрај експертската помош, акцент ќе ставиме на валидација на постоечките решенија и бизнис модели за пристап до локалните и интернационалните пазари со искусните тимови на нашите корпоративни партнери како Oracle for startups и други локални и глобални корпорации.
  3. Техничка поддршка за компаниите преку унапредување на нивната маркетинг стратегија, дигитално присуство и развој на бренд со тимот на Monday дигитална агенција, дополнителен развој и/или валидација на софтверски решенија со екпертска поддршка на ИТ професионалци од SkillUp Academy и пристап до нови пазари преку 36 Chambers.

Најважниот ресурс кој го добиваат стартапите за време на програмата, освен финансииите е целокупната поддршка за вмрежување и зголемување на видливоста на бизнисите.

Акцелераторот овозможува размена на знаења и искуства помеѓу самите претприемачи, од каде што има огромен потенцијал за произлегување на голем број нови партнерства.

  

Каков е процесот на апликација?

  1. 18.02 Изјавување на Интерес: Апликациите се одвиваат преку нашиот вебсајт со испраќање на краток опис на бизнис идејата со пополнување и прикачување на апликациска форма во коja се објаснува бизнисот,
  2. 09.03 Ask me Anything: Сесија во живо за да праша публиката сѐ што ги интересира;
  3. 15.03 Евалуација: Апликациите кои од страна на Комитетот за евалуација на проекти ќе се оценат дека се најиновативни и имаат потенцијал за раст ќе се квалификуваат за влез во следната фаза;
  4. 20.03 Валидација: Во оваа фаза селектираните тимови треба да поднесат дополнителни документи Pitchdeck, Финансиски проекции, CaseStudy со кои би се потврдиле првичните бизнис концепти и презентирање пред Евалуациониот Комитет;
  5. 01.04 Преговори и Менторство: Вклучување на 5-10 компании во 8 неделна Инвестициона програма и подготовка на компанијата за инвестиција преку, менторство, експертска поддршка, состаноци со потенцијални клиенти и партнери како и преставување на локални и регионални настани. Во текот на програмата тимот на X Фактор Акцелератор ќе го отпочне процесот на Due diligence со тимовите;
  6. 01.06 Демо ден: Стартапите презентираат пред Инвестицискиот одбор и мрежата на партнери, корпорации и инвеститори кои ќе ги одберат компаниите со кои ќе се започнат финалните преговори за инвестиција;
  7. 01.07 Потпишување на Инвестиционен договор: Финализирање на преговарачкиот процес и потпишување договори за инвестиција.

Што да очекувам од X Фактор Акцелератор?

X Фактор Акцелератор има за цел да направи инвестиција во период од 4-6 месеци од аплицирање во програмата во износ од 30.000 до 100.000 евра по компанија, зависно од фазата на развој. X Фактор Акцелераторот има за цел да стане малцински содружник, со процентуален удел во компанијата кој е предмет на преговори. Претставник на акцелераторот ќе добие место во бордот на директори и континуирано ќе помага во донесување на стратешки одлуки и поврзување на компанијата со потенцијални партнери, клиенти и интернационални инвестициони фондови.

 

Овогодинешниот повик официјално е започнат и вашите апликации ги очекуваме до 15ти Март 2021 година преку веб страната на Х Фактор Акцелератор: http://xfacc.mk/

Одговорно лице за контакт: Јозефина Симитчиева 078 377 504

 
   
   
   
   

Најново