Submit to FacebookSubmit to Google PlusSubmit to TwitterSubmit to LinkedIn

Социјалните мрежи можат да бидат опасни за демократијата, призна “Фејсбук”, и увери дека прави се што е можно за да го ограничи овој ризик.

“Иако и во душата сум оптимист, не ја занемарувам штетата што интернет може да предизвика дури и во една добро функционална демократија”, рече еден од раководителите на социјалната мрежа Самид Шакрабарти кој одговара за граѓанската ангажираност на “Фејсбук”.

Социјалната мрежа “Фејсбук” повторно призна, како што веќе го направи нејзиниот шеф Марк Цукерберг на почетокот на јануари, дека во 2016 година е потценета неговата улога во ширењето на лажни вести и дека не бил доволно ефикасен во борбата против информации со сомнителна веродостојност, кои циркулираат во мрежата. “Фејсбук” со месеци е критикуван за тоа и не престанува да се извинува и да ветува дека ќе си ја поправи оваа грешка.

Една од главните обвинувања дојде во текот на истрагата во САД за евентуална интервенција на Русија во предизборната кампања за претседателските избори во 2016 година Москва беше осомничена дека користела социјалните мрежи, за да влијае на избирачите. Овие обвинувања биле силно отфрлени од страна на Русија.

“Социјалната мрежа со над 2 милијарди корисници не е премногу за фактот дека злонамерните луѓе ја користат нашата платформа за да ни наштетат”, рече Шакрабарти. Тој, сепак, увери дека компанијата работи енергично за да ги неутрализира овие ризици.

Фејсбук објави две големи промени кои ќе го променат присуството на информации во “фидот”, секој корисник ќе има персонализирана домашна страница за да го подобри квалитетот на содржината.

Изворите на информации кои се сметаат за сигурни од страна на самите корисници ќе бидат преферирани. 

Извор: АФП

 

Поврзани вести

 

Вчера и денеска во ЈКП Дервен се испита причината за краткиот прекин на испорака на вода на ЈЗУ Болница – Велес на ден 20.02.2018 година.

Утврдено е дека екипа на Сектор Водовод работела на замена на вентил на ул. Љубљанска, поради што морале да го затворат вентилот на линијата од која од оваа страна се снабдува со вода болницата.

Но, лицето кое го затворило вентилот заради активностите на ул. Љубљанска, со крајна небрежност истото го сторило без да провери дека вентилот од втората доводна линија од страната на Којник бил исто така затворен, а што морал да го стори пред да го затвори вентилот од првата доводна линија. На овој начин ги затворил двата вентила од двете доводни линии и предзвикал краток прекин на водоснабдувањето во болницата во времетраење од 10-15 минути, по што било интервенирано и воспоставено нормално водоснабдување.

Како резултат на горенаведеното, во ЈКП Дервен во тек е постапка за утврдување на дисциплинска одговорност на соодветно лице, кон кое ќе бидат преземени строги дисциплински мерки.

Значи, не станува збор за намерно исклучување на водата на болницата, или исклучување со дадена наредба, бидејќи за тоа нема причини.

Реакциите на јавноста се оправдани и очекувани. Сепак, коментарите на социјалните мрежи кои имаат намера да прикажат пред јавноста дека наведениот проблем е намерено предизвикан, смислен и сл. и дека некој сака свесно да предизвика проблем се неточни и злонамерни.

Со почит,
ЈКП Дервен

Најново