Како да го намалите апетитот?
Една од тајните на добриот изглед се крие во тоа дека самите мора да знаете кога ви е доволно со јадење. Кога чувствувате дека сте сити, значи дека веќе сте изеле премногу.
Чувството кога ќе станете од маса мора да биде организам исполнет со енергија, а не чувство на полн стомак и замор.Вежбајте и со текот на времето сами ќе научите како да ги препознаете овие две работи.
Ако продолжите со јадење откако во организмот ќе внесете доволно храна и се чувствувате сити, тоа е само навика која ја имате уште од детството. Често јадеме само затоа што ја гледаме храната, а не затоа што сме гладни.
Обидете се да го завршите оброкот пет минути порано од претходно или кога во чинијата ќе остане една четвртина од вашиот вообичаен оброк.
Направете пауза од 10 минути и вратете се на маса. Речиси повеќе од сигурно е дека веќе нема да бидете гладни. За следниот оброк во чинијата ставете помалку храна.