ЦВЕКЛО – Непроценливо богатство
На цвеклото гледајте како да е црвен спанаќ, исто како супер храната на Попај. Овок зеленчук се смета за едно од најдобрите извори на фолна киселина и бетаин. Овие два нутриенти дејствуваат заедно и се мошне успешни во намалување на хомоцистеинот во крвта, кој може да предизвика оштетувања на артериите, а со тоа се зголемува и ризикот од срцевите заболувања.
Исто така, голем плус на цвеклото е и тоа што содржи природни пигменти кои се познати како бетацијанини, кои на овој зеленчук му ја даваат препознатливата црвена боја и врз основа на лабараториски испитувања е докажана успешноста во борбата против канцерот.
Како се консумира?
Свежо и сурово, а не од тегла. Изложување на цвеклото на висока температура ја намалува моќта на антиоксидансите од неговиот состав. За порција едноставна салата, измијте и излупете едно цвекло, а потоа изрендајте го на најширокиот дел од рендето. Прелијте со една лажичка маслиново масло и сок од една половина лимон.
Кога веќе ја подготвивте салатата, можете да ги изедете и листовите и стеблото од цвеклото, кои исто така изобилуваат со витамини, минерали и антиоксиданси. Едноставно стеблата исечете ги во делот каде што почнуваат листовите и добро измијте ги. Во таков случај се подготвени да се употребат во сите салати.
Се користи целото растение, може да се употребува во текот на целата година. Богато е со витамини и минерали. Лесно сварливо е и може да се јаде без ограничувања.
Покрај изобилството со хранливи материи (јаглехидрати, белковини и масти), цвеклото ги содржи речиси сите минерални состојќи: калциум, калиум, натриум, фосфор, магнезиум, железо, флуор, манган, бакар, јод, сулфур, литиум, стронциум, бром…
Поседува значајни количини на витамини Б1, Б2, Ц, како и витамини Б12 кој е редок во растителната храна, па цвеклото е особено важно во исхраната на вегетаријанците. Присуството на антоцијани влијае при обновувањето на крвта и има антиканцерогено дејство. Цвеклото има исклучително поволни ефекти во случаи на деминерализација на коските и забите. Присутниот јод помага во борбата против артериосклероза и го забавува процесот на стареење.