Гран-при наградите на детските Рацинови средби, годинава, за Ева Дејановска и Нена Стојковска

Деветооделенката Ева Дејановска од Гостивар, под менторство на проф. Виолета Танеска,  ја доби Гран-при наградата на литературниот конкурс на 54 Детски Рацинови средби. Нејзината литературна творба е избрана за најдобра од вкупно 125 кои пристигнале на конкурсот на тема „Детските сништа во мугрите “.

На ликовниот конкурс пак пријавени биле  25 ликовни творби  а наградата Гран-при ја доби средношколката Нена Стојковска од  средното општинско училиште „Јосиф Јосифофски“ од Гевгелија, под менторство на проф. Розета Картова.

Градоначалникот на Општина Велес, Марко Колев поздравувајќи ги сите учесници на годинешната литературна манифестација Детски Рацинови средби им се заблагодари велејќи дека му претставува чест од името на сите рацинови предци да го поздрави новото рациново поколение што во родниот град на поетот присуствува на обележување на делото на великанот Рацин.

-Вашата младост е чувар на името на Рацин. Вие сте авангарда што преку стих раскажува за безвремениот поет а светот од ново и ново ќе дознава за Велес и за Македонија. Посакувам денот да ви остане во долго паметење и да ве инспирира со надпросечна творечка инспирација. Каде и да одите, што и да правите, секогаш понесете дел од Рациновата љубов за да може светот да се прегрне преку неа. Кога ќе ни дојдете пак, Велес, од ново ќе ве израдува, додаде Колев.

Претседателката на Клуб на писатели „Коста Солев Рацин“, Лили Арсов соопшти дека наградите се поделени во три категодии, за ученици од VI и VII одделение, за ученици од VIII и IX одделение како и за ученици од сите години во средно образование.

-Жири комисиите со големо задоволство и особена одговорност ги прочитаа и прегледаа поголемиот број на литературни и ликовни творби. Тие имаа уште поголема одговорност да ги изберат најдобрите од најдобрите. Секоја ваша творба беше посебна, со посебна убавина. Среќни сме што имаме талентирани, способни и вешти борци со зборот и со четката на кои од срце им честитаме,  додаде Арсова.

Наградени ученици на литературниот конкурс на 54 Детски Рацинови средби во категоријата основно образование поточно VI и VII одделение се:

Прва награда, Ване Гавровски седмо одделение од  ООУ „Гоце Делчев“ од Босилово  под менторство на проф. Весна Тилева.

Втора награда,  Драган Костадиновски, седмо одделение од  ООУ „ Ванчо Прке“од Штип под менторство на проф. Елизабета Огнанова.

Трета награда ја доби Дарија Давчевска, седмо одделение од ООУ„ Блаже Конески“ од  Велес под менторство на проф. Сашко Андреевски.

Во категоријата основно образование VIII и IX одделение, наградени се учениците:

Прва награда,  Ирена Бојлевска, осмо одделение од  ПОУ „Коле Канински“ село Буково од Општина Битола под менторство на проф. Наташа Лозановска.

Втора награда,  Милана Капкоска, деветто одделеие од  ООУ „Рампо Левката“ од Прилеп под менторство на проф. Верица Апостолоски .

Трета награда доби Јана Пљокова, деветто одделение од ООУ „Блаже Конески“ од Велес под менторство на проф. Иванка Славковска.

Во категоријата средно образование на литературниот конкурс наградени се учениците:

Прва награда,  Екатерина Бовчаровска, четврта година од ОСУ „ – Св Климент Охридски“ во Охрид под менторство на проф. Емилија Каранфиловска.

Втора награда, Андреа Димитровска , прва година  од СОУ „Методи Митевски – Брицо“ од Делчево под менторство на проф. Маца Илиевска.

Трета награда Бојан Димовски, прва година од  СУГС „Георги Димитров“ од Скопје, под менторство на проф. Емилија Туфа.

На ликовниот конкурс наградени се творбите на учениците од VI и VII одделение:

Прва награда,  Даниела Теова шесто одделение од  ООУ „Васил Главинов“ од Велес, под менторство на проф. Снежана Стефановска.

Втора награда, Ема Петровска, седмо одделение од  ООУ „Гоце Делчев“ село Стенче во Општина Брвеница, под менторство проф. Лина Тренковска.

Трета награда,  Давор Кузмановски, шесто одделение од ООУ „Коста Рацин“ од село Брвеница во Општина Брвеница, под менторство на проф. Лина Тренковска.

Во категоријата основно образование за VIII и IXодделение наградени се:

Прва награда,  Сара Цветановска, осмо одделение од ООУ„Невена Ѓорѓиева Дуња“ од Скопје, под менторство на проф. Петар Беслаќ.

Втора награда, Сара Цветкова, осмо одделение  од ООУ„Мирче Ацев“ од Ѓорче Петров, Скопје, пон менторство на проф. Влатко Костовски.

Втора награда, Ива Давидовска, осмо одделение од  ООУ„Христијан Т.Карпош“ од Ранковце, под менторство на проф.  Нела Јанковска.   

Трета награда, Деспина Спасеновска од ООУ„7марси“ од селоЧелопек, Општина Брвеница, под менторство на проф. Лина Тренковска.

Од категоријата средно образование наградени се учениците:

Прва награда, Моника Близнаковска од ОСУ „Ацо Русковски“ од Берово, пон менторство на проф. Слободан Пандов.

Втора награда, Марија Кучукова, втора година од СОУ „Јосиф Јосифофсски“ од Гевгелија, под менторство на проф.  Розета Картова

Трета награда, Мартина Терзиска, прва година од ОСУ „Ацо Русковски“ од Берово, под менторство на проф. Слободан Пандов.

Со свеченото доделување на наградите во општинската салата „Бели Мугри“ завршија 54 Детски Рацинови средби. На свеченото затворање настапија и балетанките од студио „Анабела“ во Велес.

Стефани Манева