Издумани Крлевизми: „Ако најпрво го употребувате јазикот, немате потреба од умот“

Десет нови, издумани крлевизми за читателите на Дума.мк. Овие кратки афоризми се полни со сарказам, хумор и вистина. Читајте и започнете го денот со насмевка.

1. Ако најпрво го употребувате јазикот, немате потреба од умот.
   
2. Нашето подобро утре доцни на неопределено време.
   
3. Ако не стигнеш во неповрат, убави се и патувањата со умот.
   
4. И во златна вазна, откинатиот цвет е мртва природа!
   
5. Јас сум против слободата на говорот… на цревата!
   
6. Им верувам на жените дека уживаат кога се со мажот… во шопинг!
   
7. На желбата да работам секогаш ѝ давам рок да ми помине.
   
8. Рушам рекорди како од шега. Неславни!
   
9. Не фрлајте ми песок во очите! Не стигнува до мојата оаза.
   
10. Не газам на мравка, ама некои мајмуни можам да ги згмечам.

Афористичар Атанас Крлевски

Дума.мк