Издумани Крлевизми: „На светот квантитативно водат ѓубрето и глупостите, а имаат и квалитет“

Во време кога вистината често се маскира како шега, а шегата одекнува посилно од секој говор, афористичарот Атанас Крлевски повторно ни нуди остра и прецизна дијагноза на општеството — преку нови десет Крлевизми.

1. Од сите давачки најлесно давам чесен збор.
   
2. Секоја моја комшивка е потенцијална сива еминенција. Обожувам женски совети.
   
3. На светот квантитативно водат ѓубрето и глупостите, а имаат и квалитет.
   
4. Враќањето е лек за носталгијата. На природна база!
   
5. Ако пријателството е куќа, сите мои куќи се без клучеви.
   
6. Решив да се женам. Тривијално решение!
   
7. Носи змиски штикли. Иста од глава до пети!
   
8. Некогаш одговорноста беше колективна, а денес ничија. Различно, а исто!?
   
9. Комшивката, за да ме покани на кафе, ми бара сиви. Модерни времиња!?
   
10. Не сакам нападни луѓе. Имам јас и други здодевности.

Афористичар Атанас Крлевски

Дума.мк