Издумани Крлевизми: „Се оженив со жената на мојот живот. Сега живеам во нејзиниот“
Објавено на 4 јули, 2025 во 14:32
Десет нови издумани Крлевизми од велешкиот афористичар Атанас Крлевски за читателите на Дума.мк. Секоја реченица е мала вистина спакувана со хумор, иронија и многу народна мудрост.
-Секој развод е ризичен. Може да заврши со нов брак.
-На Фејсбук сум и кога спијам. Сонувам еден профил во анфас.
-Си верувам себеси. Тука најмногу се лажам.
-Сончогледи, сменете ја и капата!
-За да стигнам далеку, се вратив чекор назад.
-Татковината и мајката те сакаат безусловно, ама забораваме дека љубовта се враќа на ист начин!
-Се оженив со жената на мојот живот. Сега живеам во нејзиниот.
-Рани куче, да те каса!
-Тие на билборд, а јас на тапет!?
-Сиромав, а среќен! Знае да живее.
Дума.мк
Атанас Крлевски
