Седум нови афоризми на велешанецот Коки

Понеделнички нови седум афоризми за читателите на Дума.мк од велешкиот афористичар Коки.

-Во многуте бракови, за жал, врз жената лежи многу повеќе куќата, отколку…мажот.

-Најлош трик на маѓионичарот е кога од забегани, неуки, проблематични и ментално заостанати луѓе, ќе успее да направи…политичари.

-За разлика од училиштето, во сексот најдобри се …ПОВТОРУВАЧИТЕ.

-Наместо БИОФЛЕКС, лек против компликации и проблеми со зглобовите, на политичарите им успеа да пронајдат уште поефикасен лек за болки во колената: возење со авион во бизнис класа.

-Кога нудистката изведува стриптиз, најпрвин ја симнува шминката од лицето, потем лакот од ноктите и на крајот…спиралата.

-Различните генерации имаат различни вкусови: децата претпочитаат цртани филмови, мајките турските ТВ серии а татковците…вдовицата од соседството.

-Откако ќе се оженат, многумина луѓе бездруго се прашуваат: зошто секоја голема љубов мора да заврши толку жално…со брак.

Афористичар Никола Бошков – КОКИ

Дума.мк