Кенеди никогаш не докажал на Врховниот суд дека задолжителната вакцинација треба да се укине

Врховниот суд на САД никогаш не одлучил за укинување на задолжителната вакцинација. На веб страницата на највисоката северноамериканска судска институција која ги објавува сите казни, нема одлука за поништување на задолжителната вакцинација. Тврдењето изнесено во текстот дека судската пресуда ја принудила американската Влада да го прекине финансирањето на Светската здравствена организација (СЗО), исто така, не е точно. Роберт Ф. Кенеди Jуниор е познат по своите изјави против вакцини, но без научна поддршка. Проверувачите на факти од повеќе светски сервиси, како сервосот на агенцијата „АФП“ и „Верификат“, постојано ги негираат неговите изјави

Текст од српски блог со месеци се споделува по социјалните мрежи, во кој се тврди дека адвокатот Роберт Ф.Кенеди, внук на поранешниот американски претседател Џон Кенеди, успеал да добие судски процес по кој се оспорува задолжителната вакцинација во САД. Блогот пишува за наводната заедничка судска победа против универзалната вакцинација од страна на Кенеди, на продуцентот на документарен филм за вакцина, Vaxxed, Del Bigtry и непрофитна организација која се бори против задолжителната вакцинација, Акционата мрежа за информирана согласност (ICAN).

Тие побараа од Владата да издаде релевантни документи кои докажуваат дека сите вакцини, одобрени од државата во изминатите 32 години, се тестирани за квалитет, и ниту една не е пронајдена! Ги нема! Ова значи дека ниту една вакцина не поминала тестови за квалитет во Америка.

Овој текст е скратена верзија од подолгиот текст што со месеци кружи, преведен на неколку јазици, на шпански, англиски, француски, италијански и српски јазик, а во кој се тврди дека со одлука на Врховниот суд на САД се укинува задолжителната вакцинација.

На веб-страницата на највисоката северноамериканска судска институција која ги објавува сите казни, нема одлука за поништување на задолжителната вакцинација.

Неколку независни сервиси на проверувачи на факти, вклучувајќи го и сервисот „Верификат“, пишуваат дека наводната победа на Кенеди се однесува на случај од 2018 година.

Станува збор за случај на една од најголемите организации за борба против вакцината во САД, Информирана акциона мрежа за согласност (ICAN), која со помош на Кенеди, врз основа на Законот за слободен пристап до информации поднесе тужба против Министерството за здравство (HHS), повикувајќи се на детални извештаи за несаканите ефекти од вакцината.

Судот соопшти дека дека не може да ги најде овие извештаи, кои ICAN ги наведе како доказ дека федералната влада не успеала целосно да ги проучи ефектите од вакцините во последните 30 години. Сепак, научниците и веб-страницата за проверка на фактите „PolitiFact“ забележаа дека бројни детални извештаи за несаканите ефекти од вакцината се објавени од страна на HHS и други американски агенции.

Овој судски случај не го водеше Врховниот суд на САД, туку Јужниот судски округ во Њујорк. Кенеди не поднел жалба до Врховниот суд по оваа одлука. Сепак, петицијата за транспарентност на ICAN покажа дека Министерството за здравство на САД (HHS) не ја испочитувало својата обврска да извести за безбедноста на некои вакцини, но тоа не значи дека протоколите за безбедност не биле почитувани.

Меѓутоа, Врховниот суд на САД никогаш не одлучил за укинување на задолжителната вакцинација. Според тоа, веќе еден век не е променета позицијата на Врховниот суд за задолжителна вакцинација, при што државата има моќ да принудува на вакцинација преку парични казни, граѓански казни или исклучување на невакцинираните од одредени јавни услуги како образованието во училиштата.

Од ова произлегува дека заклучокот од блогот на српски јазик, што масовно се споделува од антиваксерските групи е дезинформација:

Овој случај сега, во правна смисла, може да го користат сите родители кои се против задолжителната вакцинација пропишана од одредени земји, со цел да се спречи присилната вакцинација на нивните деца, како и сите вработени кои беа принудени да се вакцинираат, па за да не останат без работа. Овој случај сега може да го користат на суд сите оние што бараат надомест за повредите предизвикани од вакцината.

Ова не е точно.

Тврдењето од блогот дека судската пресуда ја принудила американската Влада да го прекине финансирањето на Светската здравствена организација (СЗО), исто така , не е точно, што „Вистиномер“ веќе го дебанкираше.

За подобро да се разбере делувањето на актерите во текстот, треба да се каже дека Роберт Ф. Кенеди Jуниор е познат по своите изјави против вакцини, но без научна поддршка. Проверувачите на факти од повеќе светски сервиси, како сервосот на агенцијата „АФП“ и „Верификат“, постојано ги негираат неговите изјави. Според Центарот за борба против дигиталната омраза , Кенеди го користи својот статус како познат адвокат за заштита на животната средина за да ги зајакне другите актери во движењето против вакцинација. Тој редовно се појавува во разговори на противниците на вакцинацијата преку Интернет. Во соопштение од 12 февруари 2021 година, Фејсбук потврдува дека профил на Кенеди на Инстаграм беше затворен „поради постојано споделување лажни тврдења за коронавирус или вакцини“.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар