Граѓаните на Градско даруваа 48 крвни единици на крводарителска акција

Објавено на 8 август, 2020 во 20:40

KrvodariteskaakcijaGradsko fin

8.08.2020

Четириесет крводарители мажи и осум жени, денеска, даруваа крв на крводарителската акција што се одржа во Домот на културата “Крсте Петков Мисирков” во Градско. Од нив тројца беа млади и за прв пат ја подадоа својата рака.

– Крводарителите од општина Градско и овојпат ја докажаа својата хуманост на дело меѓу кои имаше и млади лица кои првпат даруваа крв. Благодарност за нивната хуманост да спасат нечиј живот во опасност, рече градоначалникот на Градско, Роберт Бешовски.

Крводарителската акција ја организираа Општинската организација на Црвен Крст Велес и Институтот за трансфузиона медицина од Скопје за потребите на клиниките во Скопје и болниците низ државата.

Оваа крводарителска акција се организира пет дена пред традиционалната Летна крводарителска акција во Велес што на 13 и 14 август и годинава ќе се одржи во Ликовен салон Велес./У.Ј

 

Сподели:

Напиши коментар

Станете член на ДУМА.мк и споделете го вашето мислење преку коментар. Кликнете тука за да се најавите.