Submit to FacebookSubmit to Google PlusSubmit to TwitterSubmit to LinkedIn

FB IMG 1566595091128Лошите состојби во лозарството и сеуште не познатата цена за откуп на винското грозје ги изнесоа вечерва лозарите на протест. Тие го исполнија градскиот плоштад, од каде упатија порака, дека нема да прифатат пониска цена за винското грозје од 16 денари.

 Протестот на кој повика здружението „Напредни лозари“ беше поддржан и од ново формираното здружение „Тиквешки лозаро овоштари“ и од Конфедерацијата на синдикални организации.

Лозарите порачаа дека не е потребно политика да се меша во нивната мака со која се соочуваат.

„Излеговме на протест за подобри цени на грозјето, без политика. Доколку не се постигнат цените кои ги бараме од винариите, да има дополнителни државни субвенции за да се постигне производствената цена на грозјето. Исто така, во иднина, бараме закон за вино како тој за тутун, договорни цени пред гроздобер, аванси до 20 проценти од договореното производство, откупувачите да имаат обезбедено парични средства пред откуп, слободен извоз на грозје, нагласи Кулев. “ – рече претседателот на „Напредни лозари“, Трајче Кулев.

На протестот свои обраќања имаа дваесетина лозари од двете земјоделски здруженија. Сите беа едногласни дека откупната цена не смее да биде пониска од 16 денари за најевтиното винско грозје, во спротивно пониските цени ќе значат и крај за производството на грозје.

Ангел Данов

Поврзани вести

web banner 300x250 Sinalco Duma

banerknigovodstvo

E baner

Најново