Татко натепал и тешко повредил син

Полициски службеници од ОВР Кавадарци, вчера вечер, го лишиле од слобода К.М.(51) од Кавадарци, по претходна пријава дека во дворот од семејната куќа физички го нападнал сопствениот 27-годишен син.

-Во нападот учествувал и втор негов син Е.М., а биле употребени метален и дрвен предмет, при што на 27-годишникот му била нанесена тешка телесна повреда, констатирана во болницата во Кавадарци, соопшти Биљана Ѓаковска, портпаролка на Сектор за внатрешни работи Велес.

Пријавениот К.М. бил задржан во полициска станица и известен бил Јавен обвинител. По комплетно расчистување и документирање на случајот ќе бидат поднесени соодветни пријави.

Стефани Манева