Се раскитува Велес!
Сите новогодишните украси и светечки илуминации ќе бидат симнати и собрани од градските улици.
Ќе почне да се раскитува улично украсување на Велес.
По неполн месец од вклучувањето, по повод новогодишните празници, уличните светилки и декорации, на електричните столбови, на борчињата и останатите дрвја полека ќе почнат да се гаснат. Од утре фирмата која градот ја задолжи за украсување ќе почне со исклучувањето на светлечките украси. Ќе се користи истата шема според која украсите беа поставувани и светилките вклучувани во електричниот систем на јавното осветлување само што овој пат тие ќе бидат исклучувани. Потоа ќе се пристапи кон демонтажа и вадење на празнични украси од јавно прометните површини.
„ Од вторник па во наредните седум дена ќе бидат извадени светлечките елки и сите други украси и илуминации од улиците на Велес,“ рекоа од одделението за инфраструктура и комунални дејности на општина Велес.
Годинешното празнување заврши со синоќешното одбележување на стара Нова Година. Украсите ќе се соберат и вратат во магацинот на општината каде остануваат на чување во наредните триста и триесет дена, до пред наредната нова година.