Submit to FacebookSubmit to Google PlusSubmit to TwitterSubmit to LinkedIn

Петмина прилепчани на возраст од 19 до 39 години ја пустошеле шумата кај село Степанци во општина Чашка. По спроведена акција на Македонски шуми и шумската полиција од Велес, се фатени вчера на лице место. Прилепчаните биле затекнати во месноста викана „Црници“ во атарот на селото.

Тие со пет патнички автомобили марка „лада нива“, нелегално превезувале пет метри просторни дабови огревни дрва. Полицијата ги одзела возилата и дрвата, а по целосно документирање на настанот ќе бидат поднесени соодветни пријави против сторителите.

Инаку во март годинава во заедничка акција со шумската полиција и Шумското стопанство Бабуна, полицијата фати триесетина прилепчани кои со моторни пили сечеле дабови дрва од шумите во атарот на селата Степанци, Смиловци и Поменово. Нелегално исеченото огревно дрво, од единаесет метри просторни било натоварено во едно комбе и шест автомобили. Пленот бил наменет за продажба на црниот пазар во Прилеп. Седуммина од дрвокрадците беа лишени од слобода.

Даниела Саздова

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

 
   
   
   
   

Најново