Ангеловски нов началник а Јаневски дополнителен заменик началник на СВР Велес
Дипломираниот дефендолог Игор Ангеловски е именуван за нов началник на СВР Велес додека досегашниот Злате Јаневски за дополнителен заменик началник.
Ангеловски завршил Факултетот за безбедност и одбрана на Универзитетот „Свети Кирил и Методиј“ и магистрирал одбрана.
Досега работел во единицата за специјални задачи „Тигар“, инструктор во Центар за обука во Идризово и самостоен инспектор во Крим техника во СВР Велес . Исто така бил инспектор во обезбедување на ВИП личности и објекти. Ангеловски има сертификати и од меѓународни обуки.
Новиот началник на СВР Велес е именуван откако министерот за внатрешни работи Наќе Чулев и дополнителната министерка Славјанка Петровска ги усогласија ставовите за началници и нивните дополнителни заменици во секторите за внатрешни работи во Охрид, Штип, Битола, Велес, Струмица и во Одделението за внатрешни работи во Прилеп. /У.Ј