На далеку биле и останаа познати велешките производители на стомни, бардачиња, утиња, тави, земјените грнци и други садови за домаќинство. Со грнчарскиот занает, според некои пишани документи , во стар Велес, се занимавале стотина семејства. Квалитетната глина , која ја има во огромни количества околу градот , посебно во месностите Брца, Гроот, Керамидна, велешките бавчи и други реони им давала можност на грнчарите да изработуваат на далеку познати земјени производи кои со векови на жителите им биле единствени садови како за за подготвување на храна и за пиење и чување вода така и за варење на ракија.

Едно од помалите маала во Велес е „Солено Чешмиче“. Се наоѓа под Којник, поточно под Бричкова и Прчиева чешма. Името го добило по солената вода која ја има и денес во повеќе бунари и чешмите во дворовите на граѓаните. Солената вода во овој дел на Велес, до пред четириесет години , извираше од под еден голем камен, што се наоѓаше на широчинката , во центарот на маалото и слободно течеше се до изградбата на канализацијата во овој дел на градот. Тогаш изворот на солена вода беше спроведен во канализацијата. Но, десетина бунари, чешми и изворчиња со солена вода сеуште постојат во дворовите на граѓаните кои живеат во овој дел на градот и се доказ дека токму поради нив ова маало го носи името „Солено Чешмиче“.

Пациентите со дијабетис се жалат дека нема инсулинска терапија во амбулантата во велешката болница. Тие тврдеа веќе десетина дена биле оставени без инсулин. Секојдневно се јавувале во амбулантата да прашаат кога ќе стигне пратката со овој лек, без кој не можат да живеат.

Околу триста тони млад кромид досега се откупени од Башино Село и велешките бавчи. Откупната компанија „Агрокор“ од Струмица како и поголем број накупци од Скопје и некои градови од Косово, младиот кромид на башиноселци им го платија по педесет денари за килограм. Според производителите ваквиот начин на откуп е веќе завршен и тие се задоволни од откупната цена. Моментално компанијата и накупците го откупуваат младиот кромид на снопови кои тежат по пет килограми, по цена од 170 до 200 денари.

Заврна и дождот повторно создаде проблеми со преминувањето на улиците во Велес. Водата во голема количина се слеа од ридовите во централното градско подрачје. По улицата „8 Септември“ и „Страшо Пинџур“ безбедни беа само возачите на автомобили. Сите останати граѓани беа ставени на маки како да преминат и да останат не наводенети.

Стотина вработени во судската администрација на велешкиот суд денеска излегоа на протест пред судската зграда. Но и покрај тоа тековните работи во институцијата не се прекинати, ќе се суди за сите итни предмети но другите рочишта ќе се одложат. Судските административци не се задоволни од одредени одредби од новиот Закон за судска служба кој стапи на сила во февруари годинава. Тие велат наместо европски и реформски добиле закон кој не е применлив за нив.

 

 

SEMM baner MK

Поврзани вести

lifer gif 300x250 Duma

baner i od veles se moze

E baner

Konsalting Jovevi

 
   
   
   
   

Најново