На контрапротест и вечерва излегоа поддржувачите на Граѓанското движење за одбрана на Македонија во Велес. Пред насобраните граѓани говореше директорката на Народниот музеј, Елица Николова. Таа рече дека граѓаните наместо во добро расположение да ги прославуваат верските празници тие се принудени на овој начин да се изборат за слободна и просперитетна Македонија. Преку својот говор побара граѓаните да излезат на избори на 5 јуни и да го дадат својот глас за оние политичари на кои најмногу им веруваат.

Во организација на Здружението на пензионери од Велес, во салата на „Бели Мугри“ се одржа годинeшната ревија на песни, музика и игри од Повардарскиот регион. На оваа традиционална културна манифестација настапија Здруженијата на пензионери од Гевгелија, Валандово, Богданци, Неготино, Демир Капија, Кавадарци, Лозово и Велес кои пред љубителите на фолклорот се претставија со изворни песни, музика и игри од нивните градови. Беа испеани песни за љубовта, грозјето, ракијата, виното, жетвата, за саканото либе, за веридбите, свадбите.

Невнимателното возење и непочитувањето на сообраќајните знаци на патиштата резултираат со фатални последици по човечкиот живот. Со својата животна приказна тоа го потврди скопјанецот Хакија Мекиќ. Тој пред велешките гимназијалци се појави во инвалидска количка и им раскажа како стигнал до неа. Брзајки со автомобилот да стигне навреме, тој не стигнал никаде туку завршил прикован за инвалидкста количка. Тој им порача на младите велешани да возат внимателно и да ги почитуваат собраќајните знаци за да не се доведат во ситуација слична на неговата па дури и фатална по нивниот живот.

Од пред платото спроти Авона до плоштад Сармаале и вечерва по деветти пат протестираше „Протестирам“. Граѓаните поддржувачи на ова граѓанско движење и вечерва дојдоа да го искажат своето незадоволство од спроведувањето на политиките на актуелната власт. Тие како, што рекоа, излегоа на улица за да се спротивстават на авторитарното и корумпирано владеење на власта олицетворена во ликот на Никола Груевски. Извикувајќи ги веќе добро познатите пароли „Нема правда нема мир“, „Апаши“,„ Цела Шутка ВМРО“, „Вратете ги парите“, „Мафија на робија“, протестната поворка мирно се движеше по главната градска улица Благој Ѓорев за потоа преку улицата „8 септември“ да стигне до плоштад Сармаале.

Граѓаните кои вечерва се собраа да го поддржат Граѓанското движење за одбрана на Македонија, со едноминутно молчење му оддадоа почит на македонскиот револуционер Гоце Делчев. Говорникот Благој Каракачанов рече дека опозицијата претставува тежок камен околу вратот на Македонија и не и дава да направи чекор напред . За разлика од оваа на Македонија и е потребна силна и патриотска опозиција, додаде Каракачанов.

Без претерано консумирање на храна и алкохол, велешани ги поминаа Велигденските празници и продолжениот викенд од четири дена. Нема значителна бројка на граѓани кои се здобиле со здравствени проблеми поради претерано внесување на мрсна храна или алкохол, велат од итната медицинска помош во Велес.

 

 

SEMM baner MK

Поврзани вести

lifer gif 300x250 Duma

 

Duma Banner

ezgif.com video to gif1

baner i od veles se moze

E baner

Konsalting Jovevi

Почитувани,

Општина Велес ја известува јавноста дека Градскиот пазар во Велес наместо во вообичаените пазарни денови, отворен е за работа секој ден, од понеделник до недела, од 07:00 до 14:00 часот.

Претходно донесените мерки за Градскиот пазар сè уште се на сила.

Малиот пазар во Нова населба останува затворен за работа, затоа што сè уште не се создадени услови за негово повторно отворање.

Општина Велес упатува апел до сите жители на општината за почитување и придржување кон мерките за превенција и заштита од ширење на Ковид-19 (коронавирус).

Јавното здравје е заедничка одговорност.

Со почит,

Општина Велес

 
   
   
   
   

Најново