Возило излетало кај патарина „Отовица“, жена со тешки телесни повреди од велешка болница препратена за Скопје

Педесет годишната М.М од Крива Паланка се здобила со тешки телесни повреди во сообраќајна незгода којашто вчера, на 10 септември, се случила кај наплатна станица „Отовица“ на автопатот Велес – Скопје. Таа била сопатничка во возилото коешто излеталот од автопатот. Како што информира портаролката на велешка болница Марина Андова, жената околу 15:00 часот била донесена во болница и била упатена кон Одделот за радиодијагностика.

-Направено е Компјутерска томографија на глава, граден кош, врат и абдомен. Констатирана е скршеница на стернум (градна коска), како и скршеница на прешленско тело на лумбален рбет. Поради сложеноста на повредите пациентката пациентката е препратена на понатамошно лекување во Ургентен центар Скопје, додава Андова.

Во Сектор за внатрешни работи Велес било пријавено дека околу 14:40 часот патничко возило „опел“ со кривопаланачки регистарски ознаки управувано од педесет и едно годишниот Р.М од Крива Паланка излетало од коловозот.

-Во сообраќајната незгода со телесни повреди се здобила и втората сопатничка, 23 годишната А.М од Крива Паланка, соопшти Биљана Ѓаковска портпаролка на СВР Велес.

Извршен бил увид од увидна екипа на СВР Велес.

Дума.мк