СДСМ до вечерва на полноќ ги очекува кандидатурите за лидер!
Градоначалникот на Струмица, Зоран Заев и поранешниот директор на Агенцијата за разузнавање Кире Наумов засега ги поднесоа кандидатурите за лидер на СДСМ.
Партиската верификационата комисија, до вечерва на полноќ, ќе ги прима кандидатурите на сите заинтересирани кандидати на оваа партија.
И потпретседателот на партијата Зоран Јовановски веќе најавил дека до истекот на рокот ќе се кандидира.
Партијата за утре има закажано Извршен одбор на кој ќе се дискутира за кандидатурите. Тие ќе бидат претставени пред делегатите на Конгресот кој ќе се одржи на 2 јуни,годинава.
Претходно кандидатите за лидер својата програма ќе имаат можност да ја престават пред општинските организации и партиските делегати низ Македонија.
После 22 мај, Централниот одбор ќе има уште една седница на која ќе се дефинира листата на кандидатите, а притоа ќе бидат предложени и кандидати за нов Централен и Надзорен одбор на СДСМ кој исто така ќе се бира на Конгресот закажан за 2 јуни.
