Најмногу снег во Маврово, најстудено на Попова Шапка
22.03.2021
Во текот на ноќта и утрово се задржа облачно со врнежи, кои беа претежно од снег. Поголеми количества воден талог до 1 часот имаше во западните делови од земјата. Утринава врнежите се од снег и се со слаб интензитет, а поинтензивен ветер дува на повисоко во Пелагонија, соопшти Управата за хидрометеоролошки работи.
Според мерењата во 7 часот утрово, највисока снежна покривка, 40 сантиметри, има во Маврови Анови, Во Крушево има 39 см снег, 33 во Ѓуриште, 31 на Попова Шапка и Пожаране, 26 во Дебар, 24 во Тополчани, 20 во Битола и Претор, 15 во Куманово, 14 во Прилеп, 11 во Тетово, 10 сантиметри снег во Берово, седум во Штип, четири во Крива Паланка и 1 см во Демир Капија.
Утрово во 7 часот најниска температира, шест степени под нулата, е измерена на Попова Шапка. Минусни температири се измерени и во Маврово (-4), Крушево (-3) и во Дебар, Берово и Прилеп (-1).