Aртан Груби во дводневна посета на Тирана
Објавено на 22 март, 2021 во 09:15
22.03.2021
Првиот вицепремиер и министер за политички систем и односи меѓу заедниците, Артан Груби денеска и утре ќе престојува во Тирана каде што ќе се сретне со државниот врв и лидерите на албанските политички парти, но и општествени дејци.
Како што соопшти неговиот Кабинет, тема на разговор на состаноците ќе биде билатералната соработка, европската интеграција, пандемијата и процесот на Попис во Република Северна Македонија.
Првиот вицепремиер и министер за политички систем и односи меѓу заедниците во изминатите денови беше по посета на Приштина.
Груби, како што се наведува во соопштението, исто така ќе одржи посебни средби со претставниците на сите заедници во нашата земја во текот на неделата во врска со пописот на населението.