На ГП „Табановце“ за влез се чека околу 60 минути
Објавено на 28 јули, 2022 во 09:13
Интензитетот на сообраќај на патните правци надвор од градските средини е умерен. На ГП „Табановце“ времето на чекање за влез во државата е околу 40-60 минути. На граничните премини, од македонска страна, нема подолги задржувања за влез и излез од државата.
Сообраќајот на државните патишта се одвива непречено, по влажни коловози.
Авто Мото Сојуз на Македонија препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
