Иванов ги кани Груевски, Заев, Тачи и Ахмети на седницата на Советот за безбедност
Претседателот на Република Македонија, д-р Ѓорге Иванов, денеска – 15 март 2016 година, вторник, свика седница на Советот за безбедност на Република Македонија во проширен состав.
На седницата на Советот за безбедност, субјектите на системот за управување со кризи задолжени за превенција и справување со кризната состојба, ќе го информираат претседателот на Република Македонија и членовите на Советот за безбедност за заканата од илегална миграција што доаѓа од територија на Европската Унија и Шенген-зоната, како и со можностите за развој на заканата и зголемување на ризиците.
Советот за безбедност ќе заседава во состав:
1. Ѓорге Иванов, претседател на Република Македонија,
2. Трајко Вељаноски, претседател на Собранието на Република Македонија,
3. Емил Димитриев, претседател на Владата на Република Македонија за спроведување на изборите,
4. Зоран Јолевски, министер за одбрана на Република Македонија,
5. Оливер Спасовски, министер за внатрешни работи на Република Македонија,
6. Никола Попоски, министер за надворешни работи на Република Македонија,
7. Вели Креци, член на СБ,
8. Фљора Кадриу, член на СБ,
9. Насер Сејдини, член на СБ.
Претседателот Иванов, согласно Деловникот за работа на Советот за безбедност, на седницата ги повика и раководителот на Управувачкиот комитет за координација и управување со системот за управување со кризи, Никола Тодоров, министерот за финансии, Зоран Ставрески, заменик-министерот за внатрешни работи, Митко Чавков, началникот на Генералштабот на Армијата на Република Македонија, генерал-потполковник Методија Величковски, директорот на Центарот за управување со кризи и раководител на Групата за процена, Сузана Салиу, директорот на Агенцијата за разузнавање, Наќе Чулев, директорот на Управата за безбедност и контраразузнавање, Љупчо Андоновски, директорот на Бирото за јавна безбедност, Горанчо Савовски и претседателот на Комисијата за одбрана и безбедност во Собранието на Република Македонија, Сашо Аќимовски. На седницата на Советот за безбедност, македонскиот претседател ги повика и претседателот на политичката партија ВМРО-ДПМНЕ, Никола Груевски, претседателот на политичката партија СДСМ, Зоран Заев, претседателот на политичката партија ДУИ, Али Ахмети и претседателот на политичката партија ДПА, Мендух Тачи.