На патот Богданци-Гевгелија во камион откриени 211 мигранти од Бангладеш и Пакистан, возачот приведен
8.07.2020
Синоќа пред полноќ припадниците на Регионалниот центар за гранични работи Југ од Гевгелија во камион со полуприколка откри 211 мигранти. Биле превезувани во тешко моторно возило марка ДАВ со скопски регистарски таблици додека полуприколката со струмички, управувано од 27 годишно лице од Скопје, објави Дрнка.мк.
Мигрантите биле откриени на патниот правец Богданци Гевгелија кај раскрасницата што води кон населеното место Богородица скриени во полуприколката. 159 до нив биле од Бангладеш а 52 од Пакистан. Од вкупниот број на пронајдени мигранти 63 се малолетни лица.
Возачот на камионот бил лишен од слобода. Станува збор за лице со иницијали Е. П. кој бил фатен на лице место.
Според првичните информации регистарските ознаки на камионот со полуприколката биле со крадени и не припаѓале на возилото. Возчаот е приведен во полицијата а мигрантите префрелени во транзитниот центар.