САД: Убиени четворица полицајци
Објавено на 8 јули, 2016 во 06:22
Демонстранти излегоа на улиците во Чикаго, Њујорк, Далас, Лос Анџелес и други американски градови за да го изразат својот револт поради тоа што полицијата за два дена убила двајца афроамериканци. Протестите беа обезбедувани од големи полициски сили и главно биле мирни, јави Радио Слободна Европа.
Но, во Далас полиција соопшти дека четворица полицајци биле убиени, а седум други повредени најверојатно од снајперисти кои биле на покривите на зградите.
Американскиот претседател Барак Обама оцени дека убиствата покажуваат дека САД имаат сериозен проблем, односно дека тие се сигнал за расните разлики кои постојат во правниот систем.
Извор: Радио Слободна Европа