Кои смартфони ќе добијат Android Nougat?
Наесен ќе стартува испораката на најновата верзија на оперативниот систем Android под името Nougat. По традиција, повторно новиот софтвер на Goodle први ќе го добијат новите уреди на Nexus.
Првите неколку месеци од нејзиното ослободување само мал број модели паметни телефони и таблети ќе добијат ажуриран оперативен систем.
HTC изјави дека повеќето нови уреди на компанијата ќе добијат Android 7 ажурирање. Ова вклучува HTC One A9 и HTC 10.
Веќе е потврдено дека Huawei ќе го прави Nexus 6P, првиот уред што работи со новиот софтвер на Google – Android Nougat. Huawei P9 е другиот уред, што ќе работи со новата верзија на платформата, но за Huawei P8 и Huawei Mate 8 не е сигурно.
LG сеуште нема дадено официјален коментар кои уреди ќе добијат Android 7.0. Да потсетиме. LG беше еден од првите производители кој претстави Marshmallow надградби за своите уреди. Со оглед на тоа, шансите сопствениците на LG G5 да видат Android N ажурирање пред крајот на 2016 година се големи. Сопствениците на постари телефони, како LG G4 можеби ќе треба да чекаат уште неколку месеци до почетокот на 2017 година.
До крајот на годината најновата Андроид верзија ќе ја добијат
Samsung Galaxy S6
Samsung Galaxy S6 Edge
Samsung Galaxy S6 Edge +
Samsung Galaxy S6 Active
Samsung Galaxy Note 5
Samsung Galaxy S7
Samsung Galaxy S7 Edge
Samsung Galaxy S7 Active
Samsung Galaxy Tab S2
Sony започна да испорачува Marshmallow ажурирања од почетокот на месец март 2016 година, но се уште има неколку уреди кои ја чекаат. Може да се очекува сличен распоред за ажурирање на Android N, па не очекувајте да го видите Android 7.0 на вашиот Sony уред пред 2017 година.
OnePlus се меѓу последните уреди кои добија Marshmallow ажурирање. Врз основа на тоа, не се очекува Android N да дојде за OnePlus 2 или OnePlus 3, пред средината на 2017 година. Овие уреди најверојатно ќе бидат од последните кои ќе добијат Android N.