Кајсиите ја подобруваат работата на срцето
Кајсиите содржат многу витамини, минерали и елементи кои се од голема важност за човечкиот организам, и тоа: калиум, фосфор, калциум, рибофлавин, железо, витамин А, магнезиум, цинк, бета каротен и витамин Ц. Други елементи кои се наоѓаат во трагови се селен, манган, тиамин, бакар, фолна киселина, витамин Б6, пантотенска киселина и холин.
Постојат бројни придобивки на кајсиите кога се работи за здравјето на срцето и очите.
Кајсиите содржат висок процент на бета-каротен, супстанца која е важна за срцето и за намалувањето на ЛДЛ холестеролот во крвта.
Содржината на витамин А во ова овошје е витална за здравјето на очите и за подобрување на видот.
Витаминот А е моќен антиоксидант кој го спречува оштетувањето од слободни радикали на ткивата и клетките во организмот.