Издумани Крлевизми: „И глаголот краде се менува од прво лице – еднина, а не од трето лице – множина“

За заедницата на читатели на Дума.мк пристигнаа и петочните афоризми на афористичарот и сатиричар Атанас Крлевски. Еве што афористичкото перо ви напиша изминатите седум дена:

„Од убавина не се живее – му рече пчелата на немедоносниот цвет“

„Тој што прескокнал ридови , ќе прескокне и планина“

„Крошната без стебло е џбун“

„Огледалото го измислил вториот Нарцис, откако првиот не му ја отстапил реката“

„Коњот е убав, ама оди на фронтот. Магарето е грдо, ама  е позадински војник“

„После првата љубов одете на очен лекар. За здравјето се работи“

„Ако насмевката ви е вештачка, џабе ви се убавите заби“

„Сум преспал многу настани со влезен билет. Џабе не сум платил!“

„Љубовта е четврта агрегатна состојба“

„И глаголот краде се менува од прво лице – еднина, а не од трето лице – множина“

Вашиот, Атанас Крлевски