Се запали фабриката за здрава храна „Аронија“ во Велес (фото и видео)
Објавено: 4 август, 2025, во 23:49 часот
Голем оган и чад, е прикажан на фотографијата којшто граѓани ја испратија на Дума.мк тврдејќи дека гори фабриката за здрава храна „Аронија“ која што е на локација во близина на поранешната фабрика за талк „Димче Мирчев“ во Велес.
Пожарот избил околу 19:30 часот велат Велешани кои живеат во близина на фабриката.
Според информации кои тие ги споделија со Дума.мк во гаснењето на огнот учествуваат пожарникари со три противпожарни возила на ТППЕ Велес и ангажирана е цистерна на ЈКП „Дервен“ која постојано прави дотур на вода.
Центар за управување со кризи ја потврди информацијата.
Фабриката за здрава храна „Аронија“ во Велес е дел од компанијата „Мирана“ за производство на маргарин, мајонез и други прехрамбени производи.
Убавка Јаневска
