Краткотраен дожд и снег во северните предели и засилен северен ветер во Повардарието

„Денес, вторник, 24 февруари,во попладневните  и во вечерните часови во Македонија и тоа особено во северните предели ни следува краткотрајна промена на времето со зголемување на облачноста  и локални врнежи од дожд во пониските места (градовите) како и повремен снег на планинските места над 1100/1200 метри надморска височина. Повремен локален дожд ќе има и во Скопскиот регион а на околните планини ќе има повремен снег.

Сето ова ќе биде проследено со повремено засилен ветер од северен правец кој ќе биде најизразен во Повардарието и во источните предели (повремено и локално со брзина до околу 60 км/час).

Максималната дневна температура денес ќе бидат натпросечно висока  и ќе се искачува во интервалот од 11 до 18 степени а во Скопје  и околината таа ќе се искачи до околу 14 степени,“ соопшти метео прогнозерот Славчо Поповски.

Дума.мк