Велес Бајкинг бесплатно ќе сервисира велосипеди, вечерва, пред велешки театар

Нова обука за велосипедистите коишто сами сакаат да си ги сервисираат своите велосипеди но и нова акција за бесплатно сервисирање на велосипедите, вечерва, ќе одржи граѓанското здружение „Велес Бајкинг“. Целата активност ќе биде спроведена пред платото на велешкиот театар „Ј.Х.К Џинот“, со почеток од 18:00 часот па се до 20:00 часот.

Од „Велес Бајкинг“ ги повикуваат сите заинтересира граѓани и љубители на велосипедизмот да ја проверат „крвната слика“ на својот велосипед.

Инаку, сите активности на велосипедистите на велешкото граѓанско здружение се дел на проектот „Намалување на СО2 со зголемување на користење на велосипеди и воведување мобилни сервис услуги во Велес“. Проектот на “Велес Бајкинг“ е во соработка со Општина Велес, финансиран од Програмата за мали грантови (ПМГ) на Глобалниот еколошки фонд (ГЕФ).

Стефани Манева