Во Кавадарци се одржува традиционалната културна манифестацијата „Месец на театарот“
Објавено: 29 октомври, 2026, во 17:31 часот
Организатор на културна манифестацијата „Месец на театарот“ е Дом на култура „Иван Мазов – Климе“ кој и годинава за кавадарчани обезбеди гостување на три театарски претстави на домашни театри и една претстава на странски театар.
Културната манифестација која започна на 24 октомври, вечерва на репертоарот ја има претставата „Чичко кумплунг“ на Народен театар Куманово. Почетокот е во 20:00 часот.
Следуваат и претставата “Состанок“ на Градски театар Живинице, Босна и Херцеговина на 6 ноември и четири дена подоцна претставата „Девојките на Марко“ на Народен Театар Прилеп.
Манифестацијата ќе заврши со премиера на претставата „Референти по збрки“ во адаптација и режија на Диме Коцевски на кавадаречкиот театар, во последната недела на месец ноември.
Убавка Јаневска
