Ова се најхранливите зеленчуци

Доколку имате желба да се храните поздраво, не се сомневаме дека веќе знаете дека за да ја постигнете таа цел потребно е да јадете што повеќе зеленчук.

Прашањето е, сепак, кои видови на зеленчук се најбогати со витамини и минерали, а во исто време имаат доволно ниска енергетска вредност за да ви помогнат да изгубите тежина?

Наш совет е редовно да ги консумирате следните намирници, како поради нивниот вкус, така и поради фактот што се многу здрави.

Спанаќ

Овој зелен лиснат зеленчук е вистинска ризница на хранливи материи. Спанаќот е богат со витамини А и К, а богат е и со растителни влакна. Добар е за варење, срцето и имунитетот, а некои студии покажаа дека може да помогне во спречување на рак.

Моркови

Покрај голема количина на витамин А, морковите содржат и други хранливи материи како калиум и витамини Ц и К. Многу се важни за здравјето на очите, но и за подобрување на имунитетот.

Прокељ

Овој зимски зеленчук е една од најздравите намирници воопшто. Содржи многу антиоксиданси, кои го зајакнуваат имунолошкиот систем и го одржуваат здравјето на клетките. Прокељ е исто така богат со влакна, магнезиум, калиум и витамини А, Ц, К и Б9.

Брокула

Друг исклучително хранлив зеленчук е несомнено брокулата. Содржи витамини К, Ц и Б9, како и калиум и манган. Според некои истражувања, редовното консумирање на оваа храна го намалува ризикот од добивање рак.

Лук

Нашите баби отсекогаш велеле дека лукот е природен антибиотик. Иако ова тврдење е претерано, сепак содржи зрно вистина. Лукот навистина го зајакнува имунолошкиот систем, а во исто време поволно делува и на нивото на шеќер во крвта, што го прави идеална храна за дијабетичарите.

Аспарагус

Искористете ја пролетта и консумирајте колку што е можно повеќе аспарагус. Оваа вкусна храна е богата со витамини Б9 и К, селен и многу антиоксиданси. Аспарагусот е особено добар за здравјето на црниот дроб и бубрезите, а се препорачува и за трудници.